వెళ్ళిపో…

రాజ్ కిషోర్, (ఎం.ఏ.),
హైదరాబాదు విశ్వవిద్యాలయం. 

ఓ మానవ మూర్తీ!
ఎక్కడున్నావయ్యా?
ఎంత పిలిచినా పలకవు
ఎక్కడ వెతికినా కనపడవు…
జాగ్రత్త! జాగ్రత్త!!
ఈ దగాకోరు సమాజంలో
జాగ్రత్త! జాగ్రత్త!!

బోర్డు చూడలేదా
“నరభక్షకులున్నారు జాగ్రత్త”                         
ఈ లోకం నిను బ్రతకనివ్వదు
ఈ సమాజం నీ పై కరుణ చూపదు.
కుళ్ళిన ఈ సమాజం నిండా అన్నీ విష నాగులే.
వెళ్ళిపో… పారిపో…

మనిషితనం , మానవత్వం కొరగారిన ఈ లోకంలో
సామాన్యునికి తావు లేనే లేదు.
వీళ్ళకు ఈ నేల చాల్లేదు ,అందుకే
ఆ నింగి మీద పడ్డారు .

నిన్నటివరకూ “అందమైన జాబిలి” 
ఈ రోజు రియల్ ఎస్టేట్లకు లోగిలి .
“చందమామ రావే”అని గోరు ముద్దలు పెడుతూ
అమ్మ చూపించిన “మామ”కు
నేడు ఖరీదు కడుతున్నారు .
నీకు అక్కడ కూడా స్థానం లేదు 
వెళ్ళిపో … పారిపో …
అష్ఠ దిక్కులను దాటి 
పంచ భూతాలను దాటి…